"Napoli" klubunun yarımmüdafiəçisi Gökhan İnlər karyerasını Almaniya Bundesliqasında davam etdirə bilər.

Qol.Az-ın verdiyi məlumata görə, türk əsilli isveçrəli futbolçu "Bavariya" klubunun maraq dairəsinə düşüb.

Münhen təmsilçisinin baş məşqçisi Pep Qvardiola Xavyer Martinez və Bastian Şvaynştaygerin zədələnməsindən sonra orta xəttdə yaranan boşluğu məhz İnlərlə doldurmaq niyyətindədir. Lakin "Napoli"nin 30 yaşlı futbolçunu satmaq istəmədiyi bildirilir. Bununla belə, yüksək məbləğ qarşılığında G.İnlerin "Bavariya"ya transfer olunacağı istisna edilmir.

Qeyd edək ki, 2011-ci ildə "Udineze"dən "Napoli"yə transfer olunan İnlər keçirdiyi 130 oyunda 12 qola imza atıb.