Fransalı mütəxəssis Zinəddin Zidan “Real Madrid”in baş məşqçi postunu komanda rəhbərliyi ilə olan fikir ayrılıqlarına görə tərk edib.

Axar.az xəbər verir ki, 45 yaşlı mütəxəssisin klubun prezidenti Florentino Perezlə transfer məsələsində ortaq məxrəcə gələ bilmədiyi üçün postundan getdiyi deyilir.

Zidanı hücumçular Kriştiano Ronaldo və Qaret Beylin komandadakı gələcəyinin qeyri-müəyyən olması məsələsi də narahat edib.

Fransız məşqçi klub rəhbərliyinin “Atletik Bilbao”dan qapıçı Kepa Arrisabalaqanı, həmçinin hücumçular Robert Levandovski və Neymarı transfer etmək arzusu ilə razılaşmayıb.

Komanda rəhbərliyinin mətbuatda “Real Madrid”in baş məşqçi postuna Yoahim Löv və ya Maurisio Poçettinonun gətirmək arzusu ilə bağlı xəbərlər yayılmasından sonra Zidana lazımı şəkildə dəstək vermədiyi qeyd olunub.