Portuqaliya yığmasının və "Real Madrid" klubunun ulduzu Kriştiano Ronaldo şok açıqlaması ilə gündəmə gəlib.

Axar.az xəbər verir ki, bir müddət əvvəl verdiyi müsahibəsində Messi ilə aralarında normal münasibət olduğunu və onunla heç vaxt rəqib olmadığını deyən Ronaldo bu dəfə açıq danışıb.

Portuqaliyanın TV1 kanalına müsahibəsi zamanı Ronaldo aparıcının, "Dünya Çempionatında Messiyə verilən mükafat ədalətli idi?" sualına futbolçu belə cavab verib:

"Özü haqqında ən yaxşı analizi elə insanın özü verər. Bu sualı Messidən soruşsanız daha yaxşı olar, bu məsələdə səmimi cavab verə bilmərəm".

Ancaq daha sonra gülərək, "Əgər həqiqi düşüncələrimi söyləsəydim, indi həbsxanada olardım" deyib.