Polşada start götürən voleybol üzrə Dünya Çempionatında turnirin ev sahibləri Serbiya komandasına qalib gəlib. Görüş voleybol oyunlarının bütün tarixi boyunca ən çox tamaşaçının iştirak etdiyi matç kimi tarixə düşüb.

Axar.az xəbər verir ki, Avropa-2012 futbol çempionatının keçirildiyi Varşava Milli stadionundakı turnirdə 62 min tamaşaçı toplaşıb.

Polşa voleybolçuları serbləri üç setin üçündə də məğlub edib. A qrupunun görüşü 3-0 (25:19, 25:18, 25:18) hesabı ilə başa çatıb.

Bu gün isə Rusiya yığması Dünya Çempionatının birinci təkbətək görüşünü keçirəcək. Vladimir Alenkonun oyunçuları Kanada komandası ilə görüşəcək.