Türkiyə Futbol Federasiyası Almaniyada bir müddətdir davam edən etiraz dalğasının hədəfinə çevrilən türk əsilli futbolçular Məsud Özil və İlkay Gündoğan üçün hərəkətə keçib.

Axar.az xəbər verir ki, milli komanda seçimində Türkiyə deyil, Almaniyanı seçən ulduzlara qarşı kəskin rəftarın gənc futbolçular üçün nümunə olacağını düşünən TFF uşaq futbolu koordinatoru Tolunay Qafqazı Berlinə göndərib.

Türk tərəfinin burada əsas məqsədi aşağı yaş qruplarında Almaniya millisində oynamış türk futbolçularının əsas milli komandaya cəlb olunması olacaq.

Xatırladaq ki, türk əsilli alman futbolçular Məsud Özil və İlkay Gündoğanın Türkiyə Prezidenti Rəcəb Tayyib Ərdoğanla görüşməsi alman ictimaiyyətində birmənalı qarşılanmayıb.