Ana səhifə İdman |
Azərbaycanla oyunu əks-hücum üzərindən qurmuşduq. Müdafiədə vəziyyəti düzəldib, sürətli hücumlar planlaşdırırdıq. Lakin istəyimiz bu dəfə baş tutmadı.
APA-nın məlumatına görə, bunu Latviya yığmasının müdafiəçisi Vladislav Qabov deyib.
Yerli mətbuata açıqlama verən 31 yaşlı futbolçu Azərbaycan millisi ilə keçirilən yoldaşlıq görüşünü dəyərləndirib.
O, məğlubiyyəti komanda şəklində buraxılan səhvlərlə əlaqələndirib: “Müdafiədə rəqibin təhlükəli əks-hücumları ilə üzləşdik. Hesabda geri düşdükdən sonra isə geridə otura bilməzdik və bu, hesabın daha da artmasına səbəb oldu. Biz qol vurmaq istəyirdik, Azərbaycan vurdu. Məsələ təkcə qapıçının səhv etməsində deyil. Oyun ərzində çox səhvlərə yol verdik. Hər səhv isə futbolçuda özünəinamı azaldır. Təkcə qapıçı yox, bütün komanda səhvlər etdi”.
Qabov yığmamızı bir neçə gün əvvəl Baltik kubokunda qarşılaşdıqları Estoniya ilə də müqayisə edib: “Mənim fikrimcə, Estoniyanın daha çox hücum etmək şansı var idi, topa nəzarət onlarda idi. Hücumun keyfiyyəti komandanın topla oynamasından asılıdı. Azərbaycan isə hücuma çıxmaqda problem yaşayırdı”.
Qeyd edək ki, Riqada keçirilən Latviya – Azərbaycan qarşılaşması millimizin 3:1 hesablı qələbəsi ilə nəticələnib.
Tarix
2018.06.13 / 01:10
|
Müəllif
Axar.az
|