Yuxarı

Rusiya Səudiyyəni darmadağın etdi - 5:0

Ana səhifə İdman
12 Punto 14 Punto 16 Punto 18 Punto

17:13

Bu gün Rusiyada futbol üzrə XXI dünya çempionatına start veriləcək.

Axar.az xəbər verir ki, 32 komandanın qatıldığı çempionatın açılış mərasimi Bakı vaxtı ilə saat 18:30-da Moskvanın “Lujniki” stadionunda baş tutacaq.

Açılış mərasimindən sonra saat 19:00-da “A” qrupunun iki komandası – Rusiya və Səudiyyə Ərəbistanı qarşılaşacaq.

Oyunu Argentinadan olan hakim Nestor Pitana idarə edəcək.

***

Moskvadakı “Lujniki” stadionunda futbol üzrə XXI dünya çempionatının təntənəli açılış mərasiminə start verilib.

Dörd il əvvəl Braziliyadakı mundialın finalında Mario Götzenin Almaniyaya qələbə gətirən qolundan düz 1432 gün sonra dünya futbolunun qəlbi Moskvada döyünməyə başladı.

Futbol üzrə XXI dünya çempionatının təntənəli açılış mərasimində ingiltərəli məşhur müğənni Robbi Uilyams və rusiyalı tanınmış opera müğənnisi Aida Qarifullina möhtəşəm ifaları ilə arenaya toplaşan azarkeşlərə unudulmaz anlar bəxş edirlər.

Qeyd edək ki, açılış mərasimindən sonra keçiriləcək ilk oyunda “A” qrupunda yer alan ev sahibi Rusiya millisi Səudiyyə Ərəbistanı yığması ilə qarşılaşacaq. Mundialın açılış oyununu argentinalı Nestor Pitana idarə edəcək.

Dünya çempionatında 32 milli komanda mübarizə aparır. Millilər hər birində dörd komanda olan səkkiz qrupda yer alıblar:

“A” qrupu: Rusiya, Səudiyyə Ərəbistanı, Misir və Uruqvay;

“B” qrupu: Portuqaliya, İspaniya, Mərakeş, İran;

“C” qrupu: Fransa, Avstraliya, Peru, Danimarka;

“D” qrupu: Argentina, İslandiya, Xorvatiya, Nigeriya;

“E” qrupu: Braziliya, İsveçrə, Kosta-Rika, Serbiya;

“F” qrupu: Almaniya, Meksika, İsveç, Koreya Respublikası

“G” qrupu: Belçika, Panama, Tunis, İngiltərə;

“H” qrupu: Polşa, Seneqal, Kolumbiya, Yaponiya.

Hər qrupda ilk iki yeri tutan komandalar səkkizdəbir final mərhələsinə vəsiqə qazanacaqlar.

Dünya çempionatının qrup mərhələsinin oyunları iyunun 14-dən 28-dək keçiriləcək. Bir günlük istirahətdən sonra - iyunun 30-da start veriləcək səkkizdəbir final mərhələsinə iyulun 3-də yekun vurulacaq. İyulun 4-ü və 5-i çempionatda növbəti istirahət günləri olacaq. İyulun 6-da və 7-də dörddəbir, iyulun 10-da və 11-də yarımfinal görüşləri keçiriləcək. İyulun 14-də üçüncü yer uğrunda görüş, 15-də isə final matçı və bağlanış mərasimi olacaq.

***

Futbol üzrə Dünya Çempionatının rəsmi açılış mərasimi başa çatıb.

Mərasimin keçirildiyi "Lujniki" stadionunda Rusiya Prezidenti Vladimir Putin və FİFA prezidenti Canni İnfantino çıxış ediblər.

Açılışın ardınca DÇ-2018-in ilk oyunu keçiriləcək.

***

Rusiya-Səudiyyə Ərəbistanı matçı başlayıb.

Məlumata görə, 12-ci dəqiqədə Rusiya millisinin oyunçusu Qazinski baş zərbəsi ilə hesabı açıb: 1 - 0.

***

43-cü dəqiqədə Çerişev komandasına növbəti qolu qazandırıb: 2 – 0

İlk hissə rusların üstünlüyü ilə bitib.

***

Əvvəlcə, Dzubanın, ardınca isə yeni Çerişevin qolu ilə fərq 4-ə çatdırılıb.

***

Moskva şəhərinin "Lujniki” stadionunda baş tutan qarşılaşma rusların 5:0 hesablı qələbəsi ilə başa çatıb.​

Tarix
2018.06.14 / 21:02
Müəllif
Axar.az
Şərhlər
Digər xəbərlər

Qarabağda hansı addımı atdıqsa, qarşımıza... - Ərdoğan

Əli Əsədov qərar imzaladı

Kremldə gərginlik: “Krokus” terrorundan sonra Paşinyan...

Yeni Kaledoniyada Azərbaycan bayrağı qaldırıldı - Video

Bu görüş Cənubi Qafqazda müharibə riskini artırır

Paşinyan terrorla hədələnir - İrəvanda nə baş verir?

Bakının informasiyası var: 5 apreldə nə baş verəcək?

Bakıya qarşı şər ittifaqı qurulur: cavabı olacaq - Video

Konsert zalının qapıları niyə bağlı olub? - Emin açıqladı

Bakıda xanım jurnalistlə şəkli - Musəvi İranda tənqid edildi

KULT
<>
Xəbər xətti
  
  
  
Axar.az'da reklam Bağla
Reklam
Bize yazin Bağla