Ana səhifə İdman |
18:04
Bu gün Rusiyada keçirilən Dünya Çempionatı çərçivəsində A və B qruplarının görüşləri keçiriləcək.
Axar.az xəbər verir ki, A qrupunda Rusiya və Uruqvay, Misir və Səudiyyə Ərəbistanı komandaları qarşılaşacaq.
B qrupunda isə İspaniya-Mərakeş və Portuqaliya-İran milliləri üz-üzə gələcək.
***
Luis Suarez görüşün 10-cu dəqiqəsində cərimə zərbəsindən vurduğu möhtəşəm qolla Uruqvayı 1-0 önə keçirdi.
***
Uruqvay matçın 23-cü dəqiqəsində Laxaltın qolu ilə 2-ci qolu Rusiyanın qapısından keçirdi: 2-0.
Digər görüşdə də hesab açıldı. M.Salah görüşün 22-ci dəqiqəsində gözəl qolla Misiri Səudiyyə Ərəbistanı qarşısında hesabda önə keçirdi.
***
Rusiya yığması Smolnikovun qırmızı vərəqə alması ilə azlıqda qaldı. Səudiyyə Ərəbistanı isə matçda təyin edilən 2-ci penaltini Əl-Farajın zərbəsi ilə dəqiq yerinə yetirdi: 1-1.
***
Uruqvay Kavaninin 90-cı dəqiqədə vurduğu qolla Rusiya üzərində 3-0 hesablı qələbə qazandı. Misir isə Səudiyyə Ərəbistanına məğlub oldu. Davsari 94-cü dəqiqədə komandasına qələbə qazandırdı: 2-1.
***
İran Portuqaliya ilə qarşılaşır. İrana bu görüşdə növbəti mərhələ üçün yalnız qələbə lazımdırsa, Portuqaliya bərabərlik də yetərlidir. Digər görüşdə isə İspaniya Mərakeşlə görüşür.
***
Mərakeş matçın 14-cü dəqiqəsində Boutabin qolu ilə İspaniya qarşısında hesabda irəli çıxdı: 1-0.
***
İspaniyalı İsko 20-ci dəqiqədə bərabərlik qolunu vurdu: 1-1.
***
Portuqaliya Quareşmanın matçın 45-ci dəqiqəsində vurduğu qolla hesabı açdı: 1-0.
***
Ronaldo matçın 52-ci dəqiqəsində penalti zərbəsini dəqiq yerinə yetirə bilmədi.
***
En Nəsrinin qolu ilə İspaniya məğlub olur: 2-1.
***
İspaniya Aspasın (2-2), İran isə Ənsafəridadın (1-1) penaltidən vurduğu qolla hesabı bərabərləşdirdi.
***
İspaniya qrup birincisi kimi, Portuqaliya isə ikinci yeri tutaraq 1/8 finala yüksəldi.
Tarix
2018.06.25 / 23:57
|
Müəllif
Axar.az
|