Sevgilisini öldürməkdə günahlandırılan Cənubi Afrikalı ayağı şikəst atlet Oskar Pistorius haqqında qərar açıqlanıb.

Axar.az xəbər verir ki, atlet Oskar Pistorius 25 il həbs cəzası almaqdan xilas olub. Cənubi Afrikanın Pretoria şəhərində keçirilən məhkəmədə Pistoriusu cinayətdə günahsız hesab olunub. Beləcə, 27 yaşlı idmançı haqqında ən ağır cəza aradan qaldırılıb. Ömürlük həbs istənilən Pistorius ən yaxşı halda 25 il həbs çəkəcəkdi.

Hakim onun haqqındakı iddiaların şübhədən uzağa getmədiyini bildirib: "Prokurorluq atletin sevgilisinin ölümü cinayətində günahkar olduğunu isbat edə bilmədi".

Röyterin xəbərinə görə, (http://www.ktvu.com/videos/news/oscar-pistorius-murder-trial-ends-verdict-due/vCmxTz/ ) hakim qərarı oxuyarkən atlet göz yaşlarını saxlaya bilməyib.

Xatırladaq ki, atletin 29 yaşlı sevgilisi Riva Stinkamp 2013-cü ildə 14 fevral tarixində Pistoriusun evində vurularaq öldürülmüşdü. Pistorius yataq otağına oğrunun girdiyindən şübhələnərək sevgilisinə səhvən atəş açıb öldürdüyünü iddia etmişdi.