Rusiya Futbol Federasiyası dünya futbol tarixində nadir rast gəlinən qərar verməyə yaxındır.

Axar.az xəbər verir ki, federasiya Braziliyada keçirilən futbol üzrə Dünya çempionatında gözlənilən nəticə əldə etməyən milli komandanı Rusiya Premyer liqasında mübarizəyə cəlb etmək istəyir.

2018-ci ildə Rusiyada keçiriləcək olan Dünya çempionatı öncəsi milli yığmanı gücləndirmək qarşıya məqsəd qoyulub. Bununla bağlı olaraq federasiya futbolçuların klublarla olan müqavilələrini əldə etmək istəyir.

Federasiyanın Baş katibi Anatoli Vorobyev milli yığmanın 2017-2018-ci il mövsümündə Rusiya Premyer Liqasında oynaya biləcəyini bildirib.