Ana səhifə İdman |
Koreya Respublikası 2032-ci il Yay Olimpiadasının yarışlarının hər iki ölkə ərazisində keçirilməsi üçün KXDR-ə həmin Olimpiadanın birgə təşkilini təklif etmək niyyətindədir.
Axar.az xəbər verir ki, bu barədə Tokioda səfərdə olan Cənubi Koreyanın Mədəniyyət, İdman və Turizm naziri To Çon Hvan bildirib.
Nazir deyib: “Təklif bu tədbirin Seulda və Pxenyanda keçirilməsinə aiddir. Bu məsələ Cənubi Koreya Prezidenti Mun Çje İnin və KXDR-in lideri Kim Çen İnin iştirakı ilə qarşıdakı sammitin gündəliyinə daxil edilib”.
2020-ci ildə Tokioda keçiriləcək növbəti Olimpiya Oyunları mövzusuna toxunan nazir əlavə edib ki, o, idmanın müxtəlif növlərində hər iki Koreyanın birləşmiş komandalarının yaradılması imkanlarını nəzərdən keçirmək üçün təşkilatçıların dəstəyini almaq niyyətindədir.
Tarix
2018.09.12 / 18:30
|
Müəllif
Axar.az
|