"Vətənin müdafiəsinə hazıram" poliatlon çoxnövçülüyü üzrə Respublika Çempionatı keçiriləcək.

Bu barədə Axar.az-a Gənclər və İdman Nazirliyindən məlumat veriblər. Respublika Çempionatı bu ay start götürəcək. Çempionatın zona mərhələsi 08-12 oktyabr tarixlərində Mingəçevir, Xaçmaz, İsmayıllı və Cəlilabad şəhərlərində baş tutacaq. Final mərhələsi isə 22-27 oktyabr tarixlərində Qəbələ şəhərində keçiriləcək.

"Vətənin müdafiəsinə hazıram" poliatlon çoxnövçülüyü üzrə Respublika Çempionatında idmançılar 4 növçülük (100 m və 2000 m qaçış,turnikdə dartınma və qumbara atma) üzrə yarışacaqlar. Qalib gəlmiş komandalar Gənclər və İdman Nazirliyinin müvafiq diplomları ilə mükafatlandırılacaqlar.

Yarışın keçirilməsində məqsəd gəncləri vətənin müdafiəsinə mənəvi və fiziki cəhətdən hazırlamaq, vətənə məhəbbət, vətənpərvərlik hisslərini aşılamaqdır.

Qeyd edək ki, yarış Beynəlxalq Poliatlon Assosiasiyasının qaydalarına əsasən keçiriləcək.