Millimiz Almaniyanın Frankfurt şəhərində məşqlərini davam etdirir. Berti Foqtsun yetirmələri baş məşqçinin doğma vətənində İtaliya sınağına hazırlaşır.

Axar.az-ın məlumatına görə, seçmə komandamız Avro-2016 üçün qrupun favoritinin Palermo şəhərində qonağı olacaq.

İtaliya yığmasının baş məşqçisi Antonio Konte isə oktyabrın 10-da millimiz və 13-də Malta ilə seçmə oyunlar üçün artıq heyəti açıqlayıb. "Yuventus"un sabiq çalışdırıcısı yığmamızla baş tutacaq qarşılaşma üçün 26 futbolçuya dəvət göndərib.

Konte ilk dəfə milliyə iki yeni oyunçu çağırıb. Bunlardan biri "Empoli"nin müdafiəçisi Daniele Ruqanidir. Digər futbolçu isə "Sautqempton"un hücumçusu Qraziano Pelle olacaq ki, 29 yaşlı forvard yığmamıza qarşı forma geyinəcək.

Qeyd edək ki, İtaliya – Azərbaycan oyunu Palermo şəhərində, Bakı vaxtı ilə saat 23:45-də başlayacaq.