Ana səhifə İdman |
Oktyabrın 11-12-də Qroznıda Çeçenistan Prezidenti Ramzan Kadırovun Kuboku uğrunda sərbəst güləş üzrə VI Beynəlxalq turnir keçiriləcək.
AzərTAc xəbər verir ki, turnirdə məşqçilər David Kurtsiya və Nazim Əlicanovun rəhbərliyi altında Azərbaycan yığma komandasının 8 üzvü iştirak edəcək.
Yığmanın heyətində Namiq Sevdimzadə (57 kq), Ağahüseyn Mustafayev, Məhəmməd Müslümov (hər ikisi 65 kq), Ruslan Dibirhacıyev (70 kq), Cəbrayıl Həsənov, Əşrəf Əliyev (hər ikisi 74 kq), Aleksandr Qostiyev (86 kq) və Aslan Dzebişov (125 kq) yer alıblar.
Görüşlərin idarə edilməsində ölkəmizi beynəlxalq dərəcəli hakim Zaur Şərifov təmsil edəcək.
Turnirin proqramına əsasən, ilk gündə 57, 65, 74 və 97 kiloqram, ikinci gündə isə 61, 70, 86 və 125 kiloqram çəki dərəcələrində qaliblər müəyyənləşəcək.
Tarix
2014.10.09 / 17:10
|
Müəllif
Axar.az
|