Ukraynanın "Şaxtyor Donetsk" futbol klubu 2016-cı ildə doğma "Donbas Arena" stadionuna qayıdacaq.

Axar.az "Frans Press" agentliyinə istinadən xəbər verir ki, bu barədə müsahibəsində klubun icraçı direktoru Co Palmer məlumat verib.

Ukraynanın şərqində baş verən olayların tezliklə sona çatmasına ümid etdiklərini bildirən Palmer bunları deyib:

"Biz yəqin iki il sonra evə qayıdacağıq. Əgər böhran daha tez həll ediləcəksə, biz Donetskdə hətta növbəti mövsümün başlanğıcında da ola bilərik".

Qeyd edək ki, bu ilin aprelindən Ukraynanın cənub-şərqində başlayan hərbi vəziyyət futbol klublarına da təsir edib. Bölgənin dünyaca məşhur "Şaxtyor Donetsk" klubu da separatçıların şərqə nəzarəti ələ almasından sonra Kiyevdə məskunlaşıb. Məşqçilər və oyunçular orada yaşayırlar, məşq edirlər, ancaq komanda oyunlarını Lvovda keçirir.