"Qalatasaray"lı azarkeşlər erməni tərəfdarlarının Serbiya matçında hazırladıqları göstərinin oğurluq olduğunu iddia edib.

Axar.az xəbər verir ki, Avro-2016 çərçivəsində Serbiya ilə qarşılaşan Ermənistan "Qalatasaray"ın göstərisindən istifadə edib.

İddialara görə, erməni millisinin baş məşqçisi Bernard Çelendesin futbolçulara çempionatın keçiriləcəyi Fransanın simvolu Eyfel qülləsini göstərməsini əks etdirən göstərini aylar öncə "Qalatasaray" tərəfdarları istifadə edib.

Xatırladaq ki, bu ilin 26 fevralında "Beşiktaş"la qarşı-qarşıya gələn "Qalatasaray" bu göstəridən istifadə etmişdi.