"Qarabağ"ın Avro Liqadakı rəqibləri ölkələrinin çempionatlarında növbəti görüşlərini keçiriblər.

Axar.az xəbər verir ki, bu həftə "Qarabağ"ı Kiyevdə qəbul edəcək "Dnepr" öz meydanında "Odessa"nı qəbul edib. Əzmkarlıq nümayiş etdirən "Dnepr"lilər qalib gəliblər. Matçda hesab 2-1 olub.

Qrupda ilk görüşünü Bakıda "Qarabağ"la keçirən Fransa təmsilçisi "Sent-Etyen" də turu qələbə ilə başa vurub. Səfərdə "Loryen"in qonağı olan "Sent-Etyen" 1-0 hesablı qələbəyə sevinib.

"Qarabağ"ın yer aldığı qrupun aşkar fovariti İtaliya "İnter"i isə rəqiblərindən fərqli olaraq turu xal itkisi ilə başa vurub. "İnter" öz meydanında "Napoli" ilə görüşüb və oyun 2-2 hesabı ilə başa çatıb.

Qeyd edək ki, "Qarabağ" da bu tur Premyer Liqada "Qəbələ" ilə qarşılaşıb. Görüş Ağdam təmsilçisinin 2-0 hesablı qələbəsi ilə yekunlaşıb.