UEFA "Qarabağ"ın Avropa Liqasının qrup mərhələsindəki rəqibi "Dnepr" klubunu cəzalandırıb.

Axar.az xəbər verir ki, Kiyevdə keçiriləcək qarşılaşmaya yalnız Fan klublar buraxılacaq.

"Qarabağ" futbol klubunun mətbuat xidmətinin rəhbəri Nurlan İbrahimov Axar.az-a açıqlamasında matçın azarkeşsiz keçiriləcəyini, tribunalarda yalnız hər iki komandanın Fan klublarının iştirak edəcəyini bildirib. Kiyevdəki qarşılaşmada təxminən 500-ə yaxın tamaşaçı "Qarabağ"ı dəstəkləyəcək.

Xatırladaq ki, Çempionlar Liqasının üçüncü təsnifat mərhələsində keçirilən "Dnepr" - "Kopenhagen" (Danimarka) matçında azarkeşlərin xuliqanlıq etməsi Ukrayna klubuna ağır cəza tətbiq edilməsinə səbəb olmuşdu. UEFA "Dnepr" klubuna 50 min avro pul cəzası kəsməklə yanaşı, komandaya xəbərdarlıq da edilib: belə bir hal növbəti dəfə baş verərsə, komanda Avrokuboklardan kənarlaşdırılacaq.