18:39

Bu gün Topaz Premyer Liqasında birinci dövrəyə yekun vurulacaq.

Axar.az xəbər verir ki, günün ilk matçında "Sabah" öz meydanında "Keşlə"yə 2:1 məğlub olub.

Hazırda oynanılan matçda "Qarabağ" "Zirə"ni 5-0 məğlub edir. Digər oyunlarda "Qəbələ" "Səbail"in, "Sumqayıt" isə çempionatın lideri "Neftçi"nin qonağıdır.

Qeyd edək ki, bu matçlardan sonra Topaz Premyer Liqasında iki aylıq fasilə olacaq.

***

"Qarabağ" "Zirə"ni 6-0 hesabı ilə məğlub edib. Qolları Dani Kintana (3), Mahir Mədətov, Miçel və Qırtımov (avtoqol) vurub.

***

Çempionatın favoritlərindən olan "Qəbələ" "Səbail"lə qolsuz bərabərə qalıb.

***

"Neftçi" öz meydanında gözlənilmədən "Sumqayıt"la heç-heçə edib. Bununla da çempionatda vəziyyət gərginləşib. Belə ki, indi lider "flaqman"la ikinci pillədə qərarlaşan "Qarabağ" klubu arasında cəmi 3 xal fərq var.