Bu gün Azərbaycan Premyer Liqasında 9-cu tura yekun vurulub.

Axar.az xəbər verir ki, son oyun günündə iki qarşılaşma keçirilib.

Turun mərkəzi qarşılaşmasında "Neftçi" və "İnter" komandaları üz-üzə gəlib. 8-ci km qəsəbə stadionunda keçirilən oyun qolsuz bərabərliklə bitib.

Günün növbəti qarşılaşması isə Tofiq Bəhramov adına Respublika stadionunda baş tutub. "Xəzər Lənkəran"ı qəbul edən Ağdamın "Qarabağ" klubu gərgin keçən matçda 3:2 hesabı ilə qalib gəlib.

Beləliklə, son turdan sonra turnir cədvəlində bir oyun az keçirən və 8 oyundan 17 xal toplayan "Qarabağ" ilk pillədədir. 16 xalla "İnter" ikinci, 14 xalla "Qəbələ" klubu isə üçüncü yerdədir.