Ana səhifə İdman |
18:35
Futbol üzrə Azərbaycan Kubokunda 1/4 final mərhələsinin daha bir cavab görüşü keçirilib.
Axar.az xəbər verir ki, "Sabah" "Qəbələ"ni qəbul edib. Görüş qonaqların qələbəsi ilə yekunlaşıb - 1:0.
Hər iki görüşdə eyni hesabla qalib gələn "Qəbələ" yarımfinala yüksəlib. Növbəti mərhələdə rəqib saat 19:00-da başlanacaq "Keşlə" - "Qarabağ" görüşünün nəticəsinə əsasən müəyyənləşəcək. İlk matçda Ağdam komandası qalib gəlib - 1:0.
***
Azərbaycan kubokunda sonuncu yarımfinalçının adına aydınlıq gəlib.
Son Azərbaycan çempionu “Qarabağ” səfərdə “Keşlə” ilə 1:1 hesablı heç-heçə edərək yarımfinala yüksəlib.
“ASK Arena”da baş tutan görüşdə hesabı meydan sahibləri açıblar. “Keşlə”nin forvardı Amil Yunanov 29-cu dəqiqədə baxımlı qola imza atıb. Qonaqlar matçın 50-ci dəqiqəsində Miçel Madeyranın dəqiq zərbəsi ilə tarazlığı bərpa ediblər. Bu, oyunda vurulan son qol olub. Matçın 90-cı dəqiqəsində "Qarabağ"ın mərkəz müdafiəçisi Yakub Jezniçak ikinci sarı vərəqə alaraq komandasını azlıqda qoyub.
Ağdamlılar evdə keçirdikləri ilk oyunda rəqiblərini 1:0 hesabı ilə məğlub etmişdilər.
Beləliklə, “Qarabağ” yarımfinalda “Qəbələ”, “Zirə” isə “Sumqayıt”la qarşılaşacaq.
Tarix
2018.12.20 / 21:37
|
Müəllif
Axar.az
|