Ana səhifə İdman |
Noyabrın 6-da təkcə "Qarabağ"ın məğlubiyyəti məyusedici olmadı. Eyni zamanda Respublika stadionuna gələn azarkeşlərin də davranışları olduqca təəssüf doğuran hal idi.
Söhbət azərbaycanlı azarkeşlərin hələ də stadionda komandasına dəstək əvəzinə tum çırtlamaq "xəstəliyindən" gedir.
Bu xoşagəlməz hal Axar.az-ın da obyektivinə tuş gəlib. 90 dəqiqə sonra "Qarabağ"lı azarkeşlər stadionu tumla "zənginləşdirmişdi", oturacaqlarda qalaqlanmış çəyirdək qabıqları dizə çıxırdı, klubun tapdanmış bayraqları isə ayaqlar altına atılmışdı.
Stadionda azarkeş "mədəniyyəti"nin başqa bir nümunəsi isə oyunun gedişində komandamız məğlub duruma düşərkən "Qurban, nəsə elə!" deyə qışqıranların olmasıydı. Sanki Qurban Qurbanov onu eşidib, nəsə etməli imiş. Əslində isə 30 min azarkeş hamı bir ağızdan komandanın simvolik himnini oxumalıydı - "Anadır arzulara, hər zaman Qarabağ!".
Ancaq biz bu mahnını stadionda eşitmədik, əvəzində "Qurban, nəsə elə" eşitdik, tum qabıqları, siqaret kötükləri, sellofanlar görə bildik. Axar.az stadiondan görüntüləri təqdim edir:
Tarix
2014.11.07 / 14:00
|
Müəllif
Şəmsəddin Ənsar
|