Ana səhifə İdman |
Noyabrın 16-da millimiz Norveçi sınağa çəkəcək.
Axar.az-ın məlumatına görə, İtaliya və Xorvatiya səfərlərindən məğlub qayıdan komandamız Berti Foqts olmadan ilk dəfə seçmə oyuna çıxacaq. Mahmud Qurbanovun rəhbərliyi altında yığmamız bu görüşdə əvvəlki nəticələri unutdurmağa çalışacaq. Görüşdən əvvəl Skandiyanviya ölkəsinin futbolçuları Azərbaycan haqda danışıblar.
"Millinin oyunlarına hazır olmaq üçün əlimdən gələni edirəm. Azərbaycanla görüşdə baş məşqçi mənə şans versə, komandamın uğur qazanmasına kömək etməyə çalışacam".
Bu sözləri Norveçin yarımmüdafiəçisi Mats Möller Dehli ölkəsinin
mətbuatına açıqlamasında deyib. 19 yaşlı futbolçusu səfərdə qələbə
qazanacaqlarına inandığını bildirib: "İtaliyaya məğlubiyyətdən
sonra yaxşı start götürdük. Malta və Bolqarıstanla oyunlarda vacib
qələbələr qazandıq. Azərbaycanla matçda da üç xal əldə etsək, əla
olar. Dörd oyundan 9 xal qazanmaq yaxşı nəticədir. Bakıda bunu
bacaracağımıza inanıram".
**
"Yığmanız haqqında dərin məlumata malik deyiləm. Komandanızın
qrupdakı nəticələrindən xəbərdaram. Son görüşdə Xorvatiyaya 0:6
hesabı ilə uduzublar. Bu nəticə mənim üçün gözlənilməz oldu. Çünki
yığmanızı tam başqa cür təsəvvür edirdim. Ən azından qrupda III
pilləyə iddialı komandalardan olduğunu düşünürdüm". Bu sözləri
apasport.az saytına açıqlamasında Norveç millisinin hücumçusu
Aleksander Soderlund deyib.
Norveç millisini Azərbaycanla matçın favorit sayan futbolçu Bakıya
3 xal üçün gələcəklərini vurğulayıb: "Düzdü, oyundan öncə nəsə
demək həmişə çətindi. Hər halda, favorit Norveç yığmasıdı. Bildiyim
qədərilə komandanızın heyətində Avropanın tanınmış klublarında
oynayan futbolçular yoxdu. Amma Almaniya və İtaliya kimi
çempionatlarda norveçli futbolçular oynayır. Bu səbəbdən Norveç
yığmasının Azərbaycanla oyunda favorit sayıram və çox güman, biz
Bakıda qalib gələcəyik".
27 yaşlı futbolçu bildirib ki, Bakıda xal itirsələr, bunu faciə
saymayacaqlar: "Beynəlxalq miqyasda baş tutan bütün qarşılaşmalar
çətindi. Ona görə də Bakıda xal itirsək, bunu faciəyə
çevirməyəcəyik. Amma indiki halda, Azərbaycanla görüşdən qalib
ayrılacağımızı düşünürəm".
Tarix
2014.11.11 / 21:13
|
Müəllif
Emin Aslanlı
|