Ana səhifə İdman |
16:55
Fevralın 10-da Azərbaycan Premyer Liqasının XVI turunun növbəti oyunu keçirilib.
Axar.az xəbər verir ki, turnir cədvəlinin lideri “Neftçi” doğma azarkeşlər önündə autsayder “Keşlə”ni qəbul edib. Birinci hissədə “Neftçi” hesabı açıb. Emin Mahmudov dəqiq baş zərbəsi komandasını irəli çıxarıb – 1:0. İlk hissə “Neftçi”nin minimal hesablı üstünlüyü ilə başa çatıb.
Matçın 68-ci dəqiqəsində “Neftçi” ikinci qolu rəqibin qapısından keçirib. Emin Mahmudov penalti zərbəsi ilə özünün və komandasının 2-ci qolunu vurub – 2:0. Bu qələbə sayəsində “Neftçi” cari mövsümdə 11-ci qələbəsini qazanıb. “Ağ qaralar” xalların sayını 37-ə çatdıraraq turnir cədvəlində əsas izləyicisi “Qarabağ”la 3 xallıq fərqi qoruyub saxlayıb. “Keşlə” isə 12 xalla 7-ci yerdə qərarlaşıb.
Qeyd edək ki, günün digər matçında "Səbail" "Zirə"ni qəbul edəcək.
***
"Zirə" C.Rodriqez və S.Tonkaranın qolları ilə "Səbail"i 2-0 məğlub edib.
"Səbail"in heyətində Elvin Yunuszadə 81-ci dəqiqədə qırmızı vərəqə ilə cəzalandırılıb.
Tarix
2019.02.10 / 18:46
|
Müəllif
Axar.az
|