Yuxarı

"Böyük Dəbilqə": Rüstəmov Almaniyada medal qazandı

Ana səhifə İdman
12 Punto 14 Punto 16 Punto 18 Punto

Azərbaycan cüdoçusu Rüstəm Orucov Almaniyanın Düsseldorf şəhərində keçirilən "Böyük Dəbilqə" turnirində bürünc medal qazanıb.

Axar.az xəbər verir ki, 73 kq çəki dərəcəsində yer alan 28 yaşlı idmançı ardıcıl ikinci il Düsseldorfda fəxri kürsüyə yüksəlib.

Mübarizəyə 1/16 final mərhələsindən başlayan Orucov əlcəzairli Fethi Nureni vaxtından əvvəl, italiyalı Covanni Espozitonu vaza-ari hesabına üstələdikdən sonra 1/4 finala çıxıb. Lakin yarımfinala gedən yolda onun qarşısını 2016-cı il Rio-de-Janeyro Yay Olimpiya Oyunlarının və ötən il Düsseldorf "Böyük Dəbilqə"sinin finalında uduzduğu yaponiyalı Söhey Ono kəsib. Olimpiya və 4 qat dünya çempionu tituluna malik Ono azərbaycanlı cüdoçuya 1 dəqiqə 38 saniyəyə ipponla qalib gəlib. O, həm də finalda həmyerlisi Masaşi Ebinumanı yenərək, "Böyük Dəbilqə"nin qalibi olub.

Orucov isə təsəlliverici görüşdə polşalı Viktor Mrovçinskini 1 dəqiqə 49 saniyəyə, bürünc medal görüşündə isə dünya və Avropa çempionatlarının mükafatçısı, rusiyalı Musa Moquşkovu 3 dəqiqə 14 saniyəyə ipponla ipponla məğlub edib. Beləliklə, təcrübəli cüdoçu ötən il gümüş medal qazandığı Düsseldorfda bu dəfə bürünc medala sahib çıxıb.

Bu, Azərbaycan yığmasının "Böyük Dəbilqə"də ilk medalı olub. Bu gün mübarizəyə 81 kq çəki dərəcəsində qoşulan Fəqan Quluzadə və Murad Fətiyev iki mərhələ keçmələrinə baxmayaraq, 1/8 finalda uduzaraq, mübarizəni dayandırıblar. İlk yarış günündə isə 3 kişi və 4 qadın cüdoçu erkən məğlubiyyətlərə düçar olublar.

Qeyd edək ki, "Böyük Dəbilqə"nin son günündə kişilərdən 90 kq-da Məmmədəli Mehdiyev 1/32 finalda israilli Li Koçmanla, 100 kq-da Zelim Kotsoyev avstriyalı Aaron Fara ilə, Elmar Qasımov 1/16 finalda Tomas Briseno (Çili) - L.A.Smit III (ABŞ) cütünün, 100 kq-dan yuxarı çəkidə Uşangi Kokauri 1/16 finalda Fransisko Solis (Çili) - Ceyqu Yun (Cənubi Koreya) cütünün qalibi ilə qarşılaşacaq. Qadınların yarışında isə 78 kq-dan yuxarı çəkidə İrina Kindzerska 1/8 finalda Sandra Yablonskite (Litva) - Kseniya Çibişova (Rusiya) cütünün qalibi ilə görüşəcək.

"Böyük Dəbilqə"

Kişilər

73 kq

Bürünc medal görüşü: Rüstəm Orucov - Musa Moquşkov (Rusiya)

Təsəlliverici görüş. Rüstəm Orucov - Viktor Mrovçinski (Polşa)

1/4 final. Rüstəm Orucov - Şohey Ono (Yaponiya)

1/8 final. Rüstəm Orucov - Giovanni Esposito (İtaliya)

1/16 final. Rüstəm Orucov - Fethi Nourine (Əlcəzair)

81 kq

1/8 final. Fəqan Quluzadə - Anri Equtidze (Portuqaliya)

1/16 final. Fəqan Quluzadə - Kristian Parlati (İtaliya)

1/32 final. Fəqan Quluzadə - Boka Donqvani (Gürcüstan)

1/8 final. Murad Fətiyev - Matias Casse (Belçika)

1/16 final. Murad Fətiyev - Vlad Visan (Rumıniya)

1/32 final. Murad Fətiyev - Nikon Zaborosçuk (Moldova)

Tarix
2019.02.24 / 00:18
Müəllif
Axar.az
Şərhlər
Digər xəbərlər

Bu, Bakıya təhdiddir: hazırlaşmalısınız – Mixaylov

Makronun “revanş” cəhdi Nikolu niyə qorxutdu?..

Nikolun Qarabağ qərarından sonra Putin ona dedi ki… - Lavrov

Bu, Azərbaycanın siyasi cəsarətini nümayiş etdirdi - Video

Fransa universitetində Bakının siyasətindən danışıldı

Simonyan: Qafarovaya bunu dedim, razılaşdıq… - Yeni görüş

“Dünya masası” qurulur: Bakı orda olacaq, həm də…

Bakıya təriflər yağdıran Anders niyə ermənipərəst oldu?

Qarabağda hansı addımı atdıqsa, qarşımıza... - Ərdoğan

Əli Əsədov qərar imzaladı

KULT
<>
Xəbər xətti
  
  
  
Axar.az'da reklam Bağla
Reklam
Bize yazin Bağla