"Qarabağ"la bağlı qol skandalı böyüməkdədir. Ağdam klubuna qarşı hakim ədalətsizliyi UEFA-da müzakirə olunacaq.

Axar.az-ın əldə etdiyi məlumata görə, çexiyalı hakimlər briqadasının cəzalandırılacağı gözlənilir.

Klubun vitse-prezidenti Tahir Gözəl bu məqsədlə İsveçrəyə yola düşəcək. T.Gözəl UEFA ilə danışıqlar aparacaq. Ona hüquqi müstəvidə türkiyəli vəkil kömək edəcək. Klub rəhbərliyi Türkiyədən olan vəkillə müqavilə imzalayıb.

"Qarabağ"ın mətbuat katibi Nurlan İbrahimov Axar.az-a məlumatı təsdiqlədi. Klub sözçüsü qeyd etdi ki, gələn həftə T.Gözəlin İsveçrəyə gedəcəyi gözlənilir. O, türkiyəli vəkillə müqavilə bağlandığını da təsdiq etdi.