"Baglan Qrup" şirkətlər qrupunun prezidenti, Hafka kimi tanınan milyarder Hafiz Məmmədova məxsus Fransanın "Lans" klubu növbəti matçını keçirib, Topaz premyer liqasında çıxış edən "Bakı" klubu isə bu gün "Xəzər Lənkəran"la görüşəcək.

Axar.az xəbər verir ki, Fransa Birinci liqasında XVIII turun oyunlarına start verilib. Azərbaycanlı iş adamı Hafiz Məmmədovun sahibi olduğu "Lans" səfərdə "Monpelye" ilə qarşılaşıb. Gərgin keçən görüşdə qapılara 6 top vurulub və yekunda bərabərlik qeydə alınıb 3-3.

Avropa Liqasının qrup mərhələsində "Qarabağ"ın rəqiblərindən olmuş "Sent-Etyen" isə "Nitsa" ilə qarşılaşacaq.

Qeyd edək ki, "Bakı" komandası bu gün saat 14:00-da öz meydanında "Xəzər Lənkəran"ı qəbul edəcək.