Biz yalnız Bakıdakı finalı düşünməliyik. Qələbə klubumuzu daha da məşhurlaşdıracaq. Kuboka sahib olmağa çalışmalıyıq. Bu mövsüm karyeramda ən yaxşı olmasa da, bütövlükdə hər şey normaldır. Əlbəttə, mən daha yaxşı oynaya bilərəm. Bakıdakı finalda qələbə hər birimiz üçün xoş olardı.

Axar.az xəbər verir ki, bu sözləri “Arsenal” klubunun hücumçusu Aleksandr Lakazet UEFA-nın saytına açıqlamasında bildirib.

Fransız futbolçu deyib: “Premyer Liqadakı sonuncu oyunumuzdan sonra final üçün kifayət qədər vaxt var. Buna görə də hazırlıqlı olmalı və güclü məşq etməliyik. Biz daha çox fiziki formaya fikir verir, final üçün taktika və plan üzərində işləyirik. İndi bütün fikrimizi oyun üzərində cəmləşdirmişik. Biz UEFA Avropa Liqasında bir çox komandaların finala çıxa bilmədiyini gördük. Bakıda əsas mükafatı qazanmaqla mövsümü qələbə ilə başa vurmaq istərdim”.