Türkiyə millisinin keçmiş üzvü Arda Turan "Qalatasaray"a transfer edilə bilər.

Axar.az xəbər verir ki, bu iddia ilə İspaniyanın "Mundo Deportivo" qəzeti məlumat yayıb.

Qəzet iddia edir ki, A.Turan "Qalatasaray"ın baş məşqçisi Fatih Terim ilə münasibətlərini yaxşılaşdırıb və geri dönmək istədiyini bildirib.

"Başakşəhər"in yeni baş məşqçisi Okan Buruk bir müddət öncə açıqlamasında A.Turanın komandada qalacağını bəyan edib.

Qeyd edək ki, "Barselona"nın futbolçusu Türkiyənin "Başakşəhər" komandasında icarə əsasında çıxış edir. O, vaxtilə "Qalatasaray"da çıxış edib, daha sonra "Atletiko"ya transfer edilən futbolçu burada böyük uğurlar əldə etdikdən sonra "Barselona"ya transfer olunub.