16:54

Bu gün UEFA Çempionlar Liqasının 1-ci mərhələsinin püşkatması keçirilib.

Axar.az xəbər verir ki, İsveçrənın Nyon şəhərində keçirilən püşkatmanın nəticəsinə əsasən Azərbaycan çempionu "Qarabağ"ın rəqibi müəyyənləşib.

Ağdam təmsilçisi 1-ci mərhələdə Albaniyanın "Partizani" klubu ilə qarşılaşacaq.

"Qarabağ" ilk oyununu səfərdə keçirəcək.

Qeyd edək ki, 1-ci təsnifat mərhələsinin oyunları iyulun 9-10-u, cavab qarşılaşmaları isə 16-17-də keçiriləcək.

***

Avropa Liqasının 1-ci mərhələsinin püşkatması keçirilib.

Püşkatmanın nəticəsinə əsasən, "Neftçi" və "Səbail" komandalarının rəqibləri məlum olub.

"Neftçi" 1-ci mərhələdə Moldovanın "Sperantsa" (Nisporen) klubu ilə qarşılaşacaq.

"Səbail"in rəqibi isə Rumıniyanın "Universtitatya Krayova 1948" klubu olacaq.

Hər iki klubumuz ilk oyununu evdə keçirəcək.

***

UEFA "Neftçi” və "Speranta” klubları arasında Avropa Liqasının birinci təsnifat mərhələsinin ilk oyununun Azərbaycanda deyil, Moldovada baş tutacağı barədə qərar qəbul edib.

Görüş iyulun 11-də keçiriləcək. Cavab matçı isə ayın 18-də "Bakcell Arena”da olacaq.