Azarkeşlər bilet müraciəti üçün son tarix olan 12 iyula qədər turnirin rekordunu vuraraq, indiyə qədər görünməmiş sayda – UEFA Avropa Çempionatı bileti üçün 19,3 milyon müraciət ediblər.

Axar.az xəbər verir ki, 2019-cu il 12 iyun və 12 iyul tarixləri arasında 1,5 milyon bilet satışa çıxarılıb.

19,3 milyon bilet üçün müraciət qəbul edilib. Bu rəqəm UEFA Avro-2016-dan öncə eyni mərhələ zamanı biletlərə olan tələbat səviyyəsindən, demək olar ki, iki dəfə çoxdur.

Qeyd edilir ki, UEFA Avro-2020 ev sahibliyini həyata keçirən 12 şəhərdə 3 milyon bilet satışı ilə tarixin ən böyük Avropa Çempionatı olacaq.