FİFA "Ferents Puşkaş" mükafatına namizəd qolları açıqlayıb.

Report xəbər verir ki, mükafata namizədlər siyahısında Daniel Jori ("Debretsen", Macarıstan), Lionel Messi ("Barselona", İspaniya), Zlatan İbrahimoviç ("Los-Anceles Qalaksi”, ABŞ), Endros Taunsend ("Kristal Pelas", İngiltərə), Fabio Kvalyarella ("Sampdoriya", İtaliya), Xuan Kintero ("River Pleyt", Argentina), Mateus Kunya ("Leypziq", Almaniya) kimi oyunçuların qolları yer alıb.

Namizədlər arasında həmçinin üç qadın futbolçu da var. Adjara Nçut (Kamerun millisi), Emi Rodriqes ("Yuta Royals", ABŞ), Billi Simpson (Şimali İrlandiya millisi).

Qeyd edək ki, "Ferents Puşkaş" mükafatı üçün səsvermə azarkeşlər arasında aparılacaq və sentyabrın 1-də başa çatacaq.