"La Qazzetta dello Sport" İtaliya A Seriyasında ən çox maaş alan futbolçuların siyahısını dərc edib.

Axar.az Qaynarinfo-ya istinadla xəbər verir ki, siyahıya "Yuventus"un hücumçusu Kristiano Ronaldo başçılıq edir. Onun illik maaşı 31 milyon avrodur.

Məlum olub ki, Ronaldonun maaşı 4 klubun - SPAL, "Udineze" (hər ikisi 30 milyon), "Breşia" (28 milyon) və "Verona"nın (25 milyon) futbolçularına verdiyi ümumi əmək haqqından çoxdur.

İkinci pillədə "Yuventus"un digər üzvü - yeni transfer Matteys de Liqt qərarlaşıb. Holland yarımmüdafiəçinin maaşı 8 milyon və əlavə 4 milyon bonusdan ibarətdir.

İlk üçlüyü "İnter"in yeni transferi Romelu Lukaku qapayır. Belçikalı ulduza 7.5 milyon maaş və 1.5 milyon avro bonus veriləcək.