İran premyer liqasında Güney Azərbaycanın “Traktor” futbol klubu ilə “İstiqlal”ın qarşılaşması zamanı azarkeşlər Türkiyəyə dəstək verən şüarlar səsləndiriblər.

Axar.az xəbər verir ki, azarkeşlər oyun zamanı “Türkiyə” şüarları səsləndiriblər. Bununla onlar həm Türkiyənin “Sülh çeşməsi” əməliyyatına, həm də bir müddət öncə hərbi salam verdiyi üçün cəza alan “Traktor” futbolçusuna dəstək veriblər.

Azarkeşlər oyundan sonra Azərbaycan dili ilə bağlı haqlarının verilməsini tələb edən şüarlar da səsləndiriblər.

İran polisi isə azarkeşlərin Türkiyə bayraqlarıyla stadiona girməsinə mane olub. Nəticədə 6 nəfər saxlanılıb.