Slovakiya Futbol Federasiyası Avro-2020-nin seçmə mərhələsində Xorvatiya və Azərbaycanla oyunlar üçün mükafat müəyyənləşdirib.

Qaynarinfo xəbər verir ki, bu barədə qurumun prezidenti Yan Kovaçik açıqlama verib. Onun sözlərinə görə, milli komanda Xorvatiyanı udsa 200 min, Azərbaycana qalib gəlsə 50 min avro mükafat alacaq. Prezident həmçinin bildirib ki, komanda Avro-2020-yə vəsiqə qazanarsa, 3 milyon avrodan çox mükafat ödəniləcək: "2016-cı ildə Fransada keçirilən Avropa çempionatına vəsiqəyə görə 3 milyon avro verilmişdi. Bu dəfə daha çox olacaq”.

Qeyd edək ki, noyabrın 16-da "Bakcell Arena”da keçiriləcək Azərbaycan - Uels oyunu saat 21:00-da başlayacaq.