"Fənərbaxça klubunun rəhbəri Əziz Yıldırım Fətullah Gülənin tələsinə düşüb".

Axar.az xəbər verir ki, bu sözləri "CNN Türk"də çıxış edən "Qalatasaray" Futbol Klubunun rəhbəri Duyqun Yarsuvat söyləyib.

O, Əziz Yıldırıma qarşı tələni "camaat"ın polisinin hazırladığını bildirib:

"Camaatın" polisləri bu gün yenidən toplanır. Onlar təkcə Əziz Yıldırımı yaxalamadılar, həm də "Balyoz davası"nı yaratdılar. Onların hədəfi ordu idi və bunu az da olsa bacardılar. Gülənin ABŞ-a qaçdığı tarixə baxın. Məhkəmədə idi və son qərar veriləcəkdi. Son qərarı dinləmədən getdi. Bu bir siyasi davadır və ABŞ onu geri qaytarmayacaq. Mən bu ehtimalı heç görmürəm. Onsuz da Güləni çağıran ABŞ-dır".