Azərbaycan millisində oynamağa razılıq verən Eddi İsrafilov Bakıya gəlib.

Axar.az-ın AFFA-nın rəsmi Fesbuk səhifəsinə istinadən verdiyi məlumata görə, "Qranada"nın futbolçusu millimizin baş məşqçisi Robert Prosineçki ilə görüşəcək.

Atası Anqola, anası Bakıdan olan Eddi İsrafilovun millimizə çağırılmasında fərqli baxışlar var. İspaniyanın "Qranada" klubunda oynayan futbolçunun yığmaya cəlb edilməsini kimisi vətənpərvərlik, kimisi ironik hadisə kimi qarşılayır.

Eddi özü isə AFFA-nın rəsmi saytına müsahibəsində deyib ki, Anqola yığmasında da oynaya bilərdi. Ancaq anasının bağlı olduğu ölkəni seçib.

Millimizin bir oyunçusu Bakıya gələrkən, digəri Bakıdan gedib.

Azərbaycan millisinin qapıçısı Kamran Ağayev hazırda Türkiyədə səfərdədir.

Ağayevin "Azerisport.az" saytına verdiyi məlumata görə, o, "Kayserispor"la anlaşıb, müqavilə bağlayıb, tibbi baxışdan keçib.