Futbol ictimaiyyəti mənim kimləsə sövdələşməyə getmədiyimi yaxşı bilir.

Axar.az xəbər verir ki, bu sözləri "Səbail"in baş məşqçisi Aftandil Hacıyev deyib.

"Neftçi" azarkeşlərinin təhqirlərindən bəhs edən məşqçi bildirib ki, kiminsə bunu etməyə haqqı yoxdur:

"Bizim "Neftçi"dən xal almağımızı "Qarabağ"a kömək kimi qələmə verirlər. Bəli, Qurban Qurbanovla bir yerdə oynamışıq, rəhbərliyi altında çıxış etmişəm. Kimsə nə mənim, nə də Qurbanın adına ləkə gətirə bilər. Heç birimiz bu sözlərə layiq deyilik. Onların rəhbərləri ilə görüşəcəm. Bunu böyütmək istəmirəm. Bu aqressiyanı "Neftçi"dən görürəm. Gənc oyunçularımıza söz atırlar. Öz oyunumuzu düşünürük. Bizi nə "Qarabağ", nə də "Neftçi" maraqlandırır".

Qeyd edək ki, "Səbail" - "Neftçi" matçı 0-0 başa çatıb.