"Mən hələ erməni klubu ilə müqavilə bağlamamışam. Lakin ola bilər ki, bağlayım".

Bu sözləri Axar.az-a eksklüziv açıqlamasında futbolçu Şamil Qurbanov İrəvanın "Uliss" komandası ilə anlaşması haqda danışarkən deyib.

Ş.Qurbanov bildirib ki, qərarı futbol agentliyi qəbul edəcək və hələ gözləyir. O, azərbaycanlı olmasına və bu xəbərin Azərbaycan mediasında sensasiya kimi qarşılanmasına da münasibət bildirib:

"Mənim hərəkətimdə tənqid olunmalı nə var ki? Mən azərbaycanlı deyiləm. Dağıstandanam, milliyyətcə aqulam. Mən Azərbaycanda olmuşam, 21 yaşlılardan ibarət Azərbaycan yığmasında oynamışam. Ancaq çoxdandır ki, oynamıram".

Futbolçu özünün Moskvada, ailəsinin isə Dağıstanın Huthul kəndində yaşadığını bildirib.