UEFA-nın Nizam İntizam Komitəsi "Qarabağ"ın Avropa Liqasında mübarizəni davam etdirib-etdirməyəcəyinə qərar verib.

Qərara əsasən, "Qarabağ"ın matçın təkrarlanması tələbi rədd edilib. Bu barədə "Qarabağ" klubunun vəkili Qürur Günal öz Feysbuk profilində məlumat yayıb.

UEFA komandanın apelyasiya şikayәti vermək şansı olduğunu bildirib.

Bu gün vəkil Qürur Günal verdiyi açıqlamada "Qarabağ"-"İnter" oyununun təkrar keçiriləcəyi və yaxud qolun hesaba alınacağı barədə qərar veriləcəyini əminliklə bildirmişdi.

Qeyd edək ki, Avropa Liqasının qrup mərhələsinin son turunda "Qarabağ" İtaliyanın "İnter" klubu ilə oyunda son dəqiqələrdə qol vurmuşdu. Lakin Riçard Almeydanın rəqib qapısından keçirdiyi topdan sonra matçın baş hakimi çexiyalı Miroslav Zelinka qolu qeydə almamışdı. Səbəb isə yan xətt hakiminin ofsayd qərarı verməsi idi. Bu yanlış qərarın nəticəsində qrupdan növbəti mərhələyə Milan təmsilçisi və Ukrayna "Dnepr"i adlamışdı.