Bu gün Topaz Premyer Liqasında 21-ci tura yekun vurulub.

Axar.az xəbər verir ki, "Bakı" "Sumqayıt"la heç-heçəyə qalıb.

AZAL lider "Qarabağ"ı qəbul edib və Reynaldonun ikinci hissədə vurduğu qol ağdamlılara vacib 3 xalı qazanıb və komanda liderliyini möhkəmləndirib.

Tura "böyük oyun"la yekun vurulub. "Neftçi" "Xəzər Lənkəran"la matçda uğursuz seriyaya son qoyub. Paytaxt təmsilçisi bir gün əvvəl "Simurq"a təhvil verdiyi üçüncülüyü geri qaytarıb – 2:0.

***

"Üçüncü dövrəyə pis başlamışdıq. Bu oyunda bizə mütləq qələbə lazım idi. Birinci hissədə çox qol epizodumuz var idi, istifadə edə bilmədik. İkinci hissədə dəyişikliklər edib, öz istəyimizə çatdıq. İkinci qoldan sonra daha rahat oynadıq. Nəhayət, qələbə qazanıb, "qara zolaq"dan çıxdıq".

Bu sözləri "Neftçi"nin baş məşqçisi Arif Əsədov oyundan sonra (2:0) keçirilən mətbuat konfransında deyib.
"Xəzər Lənkəran"ın baş məşqçisi Elbrus Məmmədov komandasının təcrübəsizlikdən yox, diqqətsizlikdən məğlub olduğunu bildirib:

"Böyük oyun maraqlı alındı. Təcrübəsizlikdən yox, diqqətsizlikdən məğlub olduq. Rəqib haqqında heç nə demək istəməzdim. Sadəcə, onları təbrik edirəm. Biz isə növbəti oyunlara ciddi hazırlaşmalıyıq".