Bu gün Azərbaycan milli komandasının Serbiya və Çernoqoriya yığması ilə 2:2 yekunlaşan səfər qarşılaşmasından 12 il ötür.

Axar.az yada salır ki, 2003-cü il fevralın 12-də həmin matçda 0:2 məğlub vəziyyətdə olan komandamız özünü sonradan toparlayıb və hesabı bərabərləşdirə bilib.

Serbiya üçün gözlənilməz nəticə olan bu qarşılaşmada hər iki qolu komandamızın o dövrdə hücumçusu Qurban Qurbanov rəqibin qapısından keçirib. Hazırda "Qarabağ"ın baş məşqçisi olan Q.Qurbanov milliyə o görüşdə bir xal qazandırıb və o gün futbol tariximizə əlamətdar gün kimi daxil olub.

Bu oyunda Azərbaycan millisinə baş məşqçiliyi Əsgər Abdullayev edirdi.

Xatırladaq ki, millimiz qrupun favoriti olan serblərə növbəti - Bakıdakı qarılaşmada 2:1 hesabı ilə qalib gəlmişdi.