AFFA-nın baş katibi Elxan Məmmədov və Peşəkar Futbol Liqasının prezidenti Ramin Musayev Klublar Komitəsinin iclasından sonra jurnalistlərin suallarını cavablandırıb.

Axar.az xəbər verir ki, AFFA rəhbəri hər kəsi maraqlandıran iş adamı Hafiz Məmmədovun "Bakı" klubunda yaranmış böhranla bağlı məsələyə aydınlıq gətirib.

"Konkret söhbət belə oldu ki, maliyyə problemlərindən xəbərimiz var və yaxın zamanda bu məsələ hissə-hissə həll olunacaq. Çempionatda iştirak üçün lisenziyalaşdırmaya uyğun olaraq hər bir klub banka zəmanət verir. Biz də həmin zəmanətdən istifadə edirik. Biz banklara müraciət edərək həmin zəmanəti aktivləşdirdik. O vəsait AFFA-nın balansına oturan kimi hissə-hissə futbolçuların maaşları ödəniləcək".