"Neftçi"nin hücumçusu Ruslan Qurbanovun "Hayduk"a keçidi baş tutub.

Axar.az xəbər verir ki, 23 yaşlı futbolçu mövsümün sonuna kimi Xorvatiya təmsilçisində icarə əsasında çıxış edəcək.

Ancaq millimizin üzvünün "Hayduk"la müqavilə müddəti uzadıla da bilər. Xorvatiya mətbuatının iddiasına görə, əgər Ruslan özünü yaxşı tərəfdən göstərsə, "Hayduk" onu birdəfəlik transfer edəcək. Qurbanov bu yaxınlarda komandanı tərk edən Cin Kuassinin əvəzinə transfer olunub.

Ruslan 1991-ci il təvəllüdlüdür. "Dinamo Stavropol", "Rostov" komandalarında çıxış edib. Milimizə baş məşqçi gətirilən xorvat Robert Prosineçkinin Qurbanovun legioner həyatı yaşamasında rolu olduğu bildirilir.