Həbib Nurməhəmmədovla görüşün Moskvada, ya da İrlandiyada keçirilməsinin əleyhinə deyiləm.

Axar.az xəbər verir ki, bunu irlandiyalı döyüşçü Konor Makqreqor deyib.

“Bu adam və onun komandası mənim şəxsi məsələmdir. Görək onun Toni Ferqüssonla görüşü nə ilə bitəcək. Onunla görüş də yaxşı variantdır”, - Makqreqor bildirib.

İrlandiyalı idmançı görüşün harada keçirilməsi barədə də danışıb:

“Mən rusları sevirəm, yaxın günlərdə Moskvada oldum. Mən Rokki barədə çəkilən filmə bənzər bir şey etmək istəyirəm. Əgər döyüşün Avropada keçirilməsi istəniləcəksə, bunun İrlandiyada olmasını istəyərəm. Britaniyanı sevirəm, amma öz doğma şəhərimdə döyüşmək istəyərdim”.