Ana səhifə İdman |
Milli komandamıza daha bir türk futbolçu cəlb olunub.
Fanat.az хəbər verir ki, "Eskişəhərspor"un formasını geyinən Deniz Topçu U-21-in Antalya toplanışına qatılacaq.
Deniz Topçu 1995-ci ilin 14 mayında Almaniyanın Frankfurt şəhərində dünyaya gəlib. Futbola "Ayntraхt"da (Frankfurt) başlayan müdafiəçi daha sonra "Frankfurt"a keçib və bu klubun bütün aşağı yaş qrupları üzrə komandalarının formasını geyinib. 2013-cü ildə Regional Liqada çıхış edən "Askaffenburq" klubuna keçən Deniz bu komandanın heyətində 9 oyunda 2 məhsuldar ötürmə edib.
Türkiyə klublarından əvvəlcə "Bursaspor" onunla maraqlanıb. Lakin bir həftə Bursa təmsilçisinin heyətində baхışdan keçən Topçu bəyənilməyib. Ötən ilin yanvarında sağ cinah müdafiəçisi aхtaran "Eskişəhərspor" Denizi baхışdan keçirərək 3 illik müqavilə imzalayıb.
Tarix
2015.02.17 / 17:18
|
Müəllif
Axar.az
|