İnsanların davranışlarından sonra təbiət bizə cavab verməyə başladı. Son vaxtlarda etdiyimiz hərəkətlər cavabsız qala bilməzdi.

Axar.az xəbər verir ki, bunu futbol üzrə Almaniya yığmasının baş məşqçisi Yoahim Löv koronavirusla bağlı danışarkən deyib.

“Bütün məqsədimiz daha çox pul qazanmaq, gücə sahib olmaq idi. Hazırda hər kəsi təsiri altına alan bir təhlükə var. Bu təhlükə sayəsində ailəmizin, dostlarımızın dəyərini bildik, hər şeyin ünsiyyət qurmaqdan, hörmət etməkdən ibarət olduğunu anladıq. Əslində bu kimi dəyərləri biz hər zaman birinci sıraya qoymalıyıq. Düşünürəm ki, müxtəlif ölkə hökumətləri daha düzgün istiqamətdə yol almalıdır. Dünyamız üçün artıq populizmə ehtiyac yoxdur”, - almaniyalı mütəxəssis bildirib.

Y.Löv qeyd edib ki, Avro-2020-nin təxirə salınması ilə bağlı qəbul edilən qərar çox düzgündür:

“Əsas məqsəd insanların sağlamlığı və təhlükəsizliyinin qorunmasıdır. Yerdə qalan məsələləri hələlik bir kənara qoymaq lazımdır”.