Türkiyəli futbol mütəxəssisi Fatih Terimin koronavirusa yoluxmasına dünyanın nüfuzlu media orqanlarında geniş yer verilib.

Axar.az xəbər verir ki, Fransa, Almaniya, İtaliya, İspaniya kimi ölkələrin ən məşhur portalları "İmperator" ləqəbli F.Terimin korona testinin pozitiv çıxmasından və məşqçinin yaydığı açıqlamadan bəhs ediblər.

Terimin bir müddət baş məşqçisi olduğu "Fiorentina" klubu isə sosial şəbəkədə ona müraciətlə "Haydı İmperator!" yazıb.

Qeyd edək ki, ötən gün Fatih Terim açıqlama yayaraq koronavirus testinin pozitiv çıxdığını bildirib.