"Azərkeşlər üçün hardasa maraqlı oyun alındı. Çox qol gördük. Komandamı təbrik edirəm. Qarşıda hələ ikinci oyunumuz da var".

Axar.az-ın PFL-in saytına istinadən xəbər verir ki, bu sözləri "Qarabağ"ın baş məşqçisi Qurban Qurbanov deyib. O, Azərbaycan kubokunun 1/4 finalında "Bakı"ya qalib gəldikləri ilk matçdan (3:0) sonra danışıb. Qurbanov oyunların qrafikinin çox sıx olduğunu bildirib:

"Oyunçularda istər-istəməz yorğunluq hiss olunur. Biz çalışırıq ki, hazırlığımızı yüksək səviyyədə saxlayaq".
Q.Qurbanov "Bakı"ya növbəti matçlarda uğurlar arzulayıb:

"İbrahim Uzunca ilə oyundan sonra söhbət etdik. Bu vəziyyətdə oynamaq, çalışmaq çox çətindir. Amma buna baxmayaraq, həm məşqçi, həm də gənc oyunçuları ürəklə işləyirlər. "Bakı"ya uğurlar arzulayıram".

Qeyd edək ki, "Bakı" son aylar maliyyə böhranı ilə üzləşib. Hafiz Məmmədovun komandasına AFFA dəstək verir.