İtaliyanın “Yuventus” futbol klubu Kristiano Ronaldonu koronavirus pandemiyası ilə əlaqədar yaranan maliyyə problemləri ucbatından sata bilər.

Axar.az xəbər verir ki, bu məlumatı “A Bola” saytı yayıb. Məlumata görə, hazırda klub böhrandan çıxmaq üçün üç variantı nəzərdən keçirir.

Belə ki, ilkin varianta əsasən, portuqaliyalı xarici kluba satıla bilər. Onun hazırda transfer dəyərinin 70 milyon avro olduğu vurğulanıb.

Digər varianta əsasən, Ronaldonun müqaviləsi bir il uzadılacaq, amma onun maaşı həddən artıq azaldılacaq.

Üçüncü variantda isə Ronaldonun 2022-ci ilə qədər “Yuventusda” qalacağı vurğulanıb.